கலாநிதி ஜெமீலின் ஏற்பாட்டில் இலவச மூக்குக்கண்ணாடி வழங்கும் நிகழ்வு !

-எம்.வை.அமீர், யூ.கே.காலித்தீன்-

தனது இளமைக்காலம் முதல் சமூகசேவையில் அக்கறையுடன் செயற்பட்டு பல்வேறு சமூகம் சார்ந்த உதவிகளை மேற்கொண்டுவரும் அகில இலங்கை மக்கள் காங்கிரஸின் பிரதித் தலைவரும் அரச வர்த்தக கூட்டுத்தாபானத்தின் தலைவரும் சமூக சிந்தனையாளருமான கலாநிதி ஏ.எம்.ஜெமீலின் ஏற்பாட்டில் அரச வர்த்தக கூட்டுத்தாபானத்தின் சமூக அபிவிருத்தித் திட்டத்தின் கீழ் பார்வைக் குறைவுள்ளவர்களுக்கு மூக்குக் கண்ணாடிகள் வழங்கிவைக்கும் நிகழ்வு இன்று (11) அகில இலங்கை மக்கள் காங்கிரஸின் அம்பாறை மாவட்ட செயலகத்தில் கலாநிதி ஏ.எம்.ஜெமீலின் தலைமையில் இடம்பெற்றது.

குறித்த இந்நிகழ்வுக்கு அகில இலங்கை மக்கள் காங்கிரஸின் தலைவரும் வர்த்தக கைத்தொழில் அமைச்சருமான றிஷாத் பதியூதீன் பிரதம அதிதியாக கலந்துகொண்டு மூக்குக்கண்ணாடிகளை வழங்கி வைத்தார்.

மூக்குக்கண்ணாடிகள் வழங்கிவைக்கப்படும் இன்றைய திகதிவரை 500 க்கு மேற்பட்டவர்களது கண்கள் பரிசோதிக்கப்பட்டு இன்று 220 பேருக்கு பொறுமதி வாய்ந்த கண்ணாடிகள் வழங்கி வைக்கப்பட்டன. ஏனையோருக்கும் இரண்டொரு தினங்களில் வழங்கி வைக்கப்படவுள்ளதாக இங்கு தெரிவிக்கப்பட்டது.

நிகழ்வுக்கு கௌரவ அதிதியாக அகில இலங்கை மக்கள் காங்கிரஸின் தவிசாளரும் பிரதி அமைச்சருமான எம்.எஸ்.எஸ்.அமீர் அலி கலந்துகொண்ட அதேவேளை லக்சல நிறுவனத்தின் தலைவரும் தென்கிழக்குப் பல்கலைக்கழகத்தின் முன்னாள் உபவேந்தருமான கலாநிதி எஸ்.எம்.எம்.இஸ்மாயில், தென்கிழக்குப் பல்கலைக்கழகத்தின் முன்னாள் உபவேந்தரும் அரசியல் ஆய்வாளருமான பேராசிரியர் எம்.எல்.ஏ.காதர், சட்டம் ஒழுங்குகள் அமைச்சின் மேலதிக செயலாளரும் சாய்ந்தமருதின் முன்னாள் பிரதேச செயலாளருமான ஏ.எல்.எம்.சலீம், அரச வர்த்தக கூட்டுத்தாபானத்தின் தலைவரின் இணைப்பாளர் ஏ.எல்.ஜஹான்  மற்றும் அகில இலங்கை மக்கள் காங்கிரஸின் சாய்ந்தமருது மத்தியகுழுவின் தலைவர் உள்ளிட்டவர்களும் பெரும்திரளான பொதுமக்களும் கலந்துகொண்டனர்.