NEWS | கல்முனை ஸாஹிரா உயர்தர விஞ்ஞான பிரிவு ”மாணவர்தின விழா”

-அஸ்ஹர் இப்றாஹிம்-

கல்முனை ஸாஹிரா தேசியக்கல்லூரியின் உயர்தர விஞ்ஞான பிரிவு மாணவர்கள் ஒழுங்கு செய்திருந்த 2016 ஆம் ஆண்டுக்கான ” மாணவர்தின விழா” அண்மையில் கல்லூரி இராச வாசல் முதலியார் எம்.எஸ்.காரியப்பர் மண்டபத்தில் கல்லுரி முதல்வர் பீ.எம்.எம்.பதுறுதீன் தலைமையில் மிகவும் சிறப்பாக இடம்பெற்றது.

இந்நிகழ்வில் கொழும்பு இலங்கை தேசிய வைத்தியசாலையின் குருதிக்குழாய் , சிறுநீரக சத்திர சிகிச்சைப்பிரிவு சிரேஸ்ட வைத்திய அதிகாரி டாக்டர் சனூஸ் காரியப்பர் பிரதம அதிதியாகவும் , TAF - Programme consultant மற்றும் PCE ( Pvt ) இன் தவிசாளரும் , இக்கல்லூரியின் பழைய மாணவருமான றிஸாத் சரீப் கௌரவ அதிதியாகவும் , கல்லூரியின் பிரதி அதிபர்களான எம்.எஸ்.முஹம்மட் , ஏ.பீ.முஜீன் , உதவி அதிபர்களான எச்.எம்.அன்வர் அலி , எம்.எச்.எம்.அபுபக்கர் , எம்.எம்.நிஸார்தீன் , எம்.எஸ்.அலிகான் ஆகியோர் விசேட அதிதிகளாகவும் உயர்தர விஞ்ஞானப் பிரிவு பகுதித்தலைவர் எம்.எம்.ஏ.சமட் நமது அதிதியாகவும் கலந்து கொண்டனர்.

விழாவின் போது பாடரீதியாக திறமைகளை வெளிப்படுத்திய மாணவர்களும் , கற்பித்த ஆசிரியர்களும் ,2015 ஆம் ஆண்டு நடைபெற்ற க.பொ.த. உயர்தர பரீட்சையில் சித்தியடைந்து பல்கலைக்கழக அனுமதிக்காக தகுதிபெற்ற மாணவர்களும் பாராட்டி பரிசில்கள் வழங்கி கெளரவிக்கப்பட்டனர்.

விழா ஞாபகார்தமாக ”சங்கமம்” எனும் மலரும் வெளியிட்டு வைகக்கப்பட்டது.