சாய்ந்தமருதின் விளையாட்டின் முதுசங்கள் பிரேவ் லீடர்ஸ் விளையாட்டுக்கழகம் 7 விக்கட்டுக்களினால் வெற்றி

( எம்.ஐ.எம்.அஸ்ஹர்)

சாய்ந்தமருதின் விளையாட்டின் முதுசங்கள்  பிரேவ் லீடர்ஸ் விளையாட்டுக்கழகம் வெற்றி

சாய்ந்தமருது பொலிவேரியன் பொது விளையாட்டு மைதானத்தில் சனிக்கிழமை ( 7 ) மாலை இடம்பெற்ற  அட்டாளைச்சேனை பினா விளையாட்டுக் கழகத்திற்கும்  சாய்ந்தமருது பிரேவ் லீடர்ஸ் விளையாட்டுக்கழகத்திற்கும் இடையிலான சினேகபுர்வ கடினபந்து கிறிக்கட் போட்டியில் பிரேவ் லீடர்ஸ் விளையாட்டுக்கழகம் 7 விக்கட்டுக்களினால் வெற்றிபெற்றது.

முதலில் துடுப்பெடுத்தாடிய அட்டாளைச்சேனை பினா விளையாட்டுக்கழகம் 18 ஓவர்களில் 7 விக்கட்டுக்களை இழந்து 118 ஓட்டங்களைப் பெற்றது. பதிலுக்கு துடுப்பெடுத்தாடிய சாய்ந்தமருது பிரேவ் லீடர்ஸ் விளையாட்டுக்கழகம் 13 ஓவர்களில் 3 விக்கட்டுக்களை இழந்து 120 ஓட்டங்களைப் பெற்று 7 வெற்றி விக்கட்டுக்களினால் வெற்றிபெற்றது.

பிரேவ் லீடர்ஸ் விளையாட்டுக்கழகத்தின் சார்பில் இஸ்ரத் 14 பந்துகளுக்கு முகம் கொடுத்து 40 ஓட்டங்களையும் பஸ்மீர் 18 பந்து வீச்சுகளுக்கு முகம் கொடுத்து 24 ஓடடங்களைப் பெற்றனர்

பந்து வீச்சில் பிரேவ் லீடர்ஸ் விளையாட்டுக்கழக வீரர் அப்துல் ஜலீல் 3 ஓவர்கள் பந்து வீசி 12 ஓட்டங்களைக் கொடுத்து 2 விக்கட்டுக்களைக் கைப்பற்றினார்.

இப்போட்டிக்கு அம்பாறை பிரதேச விளையாட்டு அதிகாரி ஏ.எம்.றிபாஸ் பிரதம அதிதியாக கலந்து கொண்டு சிறப்பித்தார்.